ْ{.. ،،، قصيدة ،،، ..}

أميرة الخيال

يا الماخدة من لون الشفق
ويالساكنة في جواي سنين
القاكي وين
والقاك متين
من ياتو شرفة من الزمن بتطلي
من ياتو لمحة تسر قلوب بتهلي
شوق السنين
وجع المسافر من زمن
إحساس مهاجر مغترب
اشواق امومة على ولد
راجياهو طال بيها الانين
راجيكي انا
ومستني انا
وطالت سنين الانتظار
نور الامل جواي خفت
بحر المواجع من جديد عاود يطل
وفقدته احساس الزمن
لما الزمن لي مابيحن
يا الساكنة بي خيالك سنين
بتخيلك
نور وجهك الضواي
ملاك الرحمة في الزمن العنيد
خصلات ضفاير شعرك المسدول
ترياق الانين
همسك نسيمات السحر
لمان تداعب لي وشي الارض الخدار
بتخييلك
خطواط مشيكي علي الارض
مقطوعة خالدة على الانامل تتعزف
لا ماخدة من زمن الخداع
لا شاربة من نبع النفاق
لا حاكمة اتنين في صراع
مسجونة بين قضبان عفاف
محروسة بالطهر النقي
مزدانة بي توب اليقين
ووسط فؤادك مافي شي
بي شخصك انتي ... احلم انا
واتخيلك ..... وبتخيلك
اميرة في دنياي انا
تبقيلي ينبوع السعادة المن زمن
راجيها انا
وبغير انا
واحسد انا
وما فيهو عيب لو يوم حسد
قصر الغرام مليان حسد
من كل عيون بتشوف ملامحك من بعيد
من كل خطاوي بتمشي وياك في الطريق
من زول تكوني قريبة منو واكون بعيد
من نسمة داعبت الضفاير
وشوقه لي لثم الخديد
لي زول يمد ايدو ويبارك ليكي عيد
بحسد انا
وبغير انا
ومعذور انا
بحسد عشان دايرك انا
وبغير لاني بلاكي ما محتاج انا
ومعزور عشان بتخيلك تبقيلي انا
وبي قربك انتي يتم مناي
الراجي من كمين سنة
ولي يوم لقاك
بتخيلك
واشوف وجوة كل الخلق
الفي المدن
والفي القرى
والفي البوادي وفي الحضر
الدابو قايم من صغير
يمكن الاقي اميرتي انا
ولي يوم داك
بتخيلك .................. واتخيلك
****************************
منقوول

يسلموووووووووووو

يسلمووو قلبو
لاعدمانك

تسلمن علــى مروركـن الرووووووووعة

يعطيك العافيه ع الطرح الرائع ،،
سلمتي ،،


تقبلي مروري المتواضع .. [/b]

حكــاية ..
مرسي كتيير

اميرة الخيال قصيده رائعه وذوقك اروع