خلطة لتطويل الشعر

السلام عليكم بنات وش اخباركم ؟؟؟

حبيت انقل لكم تجربتي الخاصة مع زيت تطويل الشعر

قبل فترة طويلة قصيت قصة وتعقدت لأنها طلعت مره مقرفة وشكلي بشع طلع فيها ,,

وكنت ابي اي طريقة تطول شعري بسرعه لأني مره كنت اعاني

الخلاصة ..

عطوني هالخلطة واستخدمتها وربي يشهد علي كيف شعري طول بشكل ملحوظ بمدة قصيرة مازادت عن ثلاث شهور ,,

وهي عبارة عن :


اختاري اي نوع زيت عندك بالبيت حتى لو عافيه عادي

واخذي لك صرة كاملة من الثوم ونظفي الثوم وقطعيه بالنص بحيث النواة تكون باينة

حطي الثوم كله بالزيت واحكمي تقفيلة الغرشة وخلية منقع لمدة اسبوع ,,

وابدي استخدمي الخلطة لمدة ماتقل عن شهر طيب !

صدقيني بتشوفين كيف شعرك بيطول بشكل سريع صحيح الريحة شوي استغفر الله لكن معليه بعدين مع الغسيل والشطف وتحطين عود بشعرك بتختفي ,,

بنات ضروري وانتي تحطين الزيت تدلكين شعرك وبعدين تغطينه بغطى بلاستك احكم بالنتيجة ,,

وادعو لي والي تجرب وتستفيد تنقل لغيرها ,,

وعسى ربي يزيد من حسناتنا ويجملنا امين

والسلام في الختام

يسلمووو على المعلومه

يعطيك العافيه

اي انا استعملها قلبوو مره حلوه بس مو حلوه علشان الريحه

وعلى فكره ترى الخلطه هذي بعد تكثف الشعر في شهر

وتسلمين ربي يعطيك الف عافيه ياعسل