سامحينـــــــــــــــي

هذا أنا يابهجة القلب رديت
من عقب غيبه جيت كلي حنيني
ورسالتي أرسلتها عقب ماأبطيت
تذكرت أحلام كانت بينك وبيني
هذا أنا من دون وشلون أو ليت
كلي وفا في داخلي يحتويني
من قلبي جيتك بشعري ولبيت
من عقب غيبه و أطلبك تعذريني
يمكن تظن اني بهجري تماديت
ويمكن تقول الشوق قد مات فيني
ويمكن تقول اني مع البعد جافيت
والبعد نساني رجاوي سنيني
شوفي تراني عنك ماقد تخليت
لو شفتي دمعي حاير وسط عيني
أبشرك أعطيتك الحق وأوفيت
لا مانسيتك لحظة ياضنيني
لكن ظروف الوقت خلتني أبطيت
ولا غلاتك ثابتن كل حيني
كتبت لك من الشعر بيت ورى بيت
وأحييت لك آهات جرح دفيني
اسقيت نفسي حسرت البعد وأرويت
وأنت علامك خابرك تفهميني
اوسع الخاطر بقولة تناسيت
وأشوف طيفك كل لحظه يجيني
اشتقت للجلسه معك حيل حنيت
وان كان في قلبك عتب عاتبيني
هذا انا جيتك برساله وطليت
جيتك وانا أدري بك بلهفه تبيني
من غربتي مليت مليت مليت
ادخل على الله من الخطا
(( سامــــــــــــــحـــــــــــــيـــــــــــــني ))