(سندريلا حياتي)روايه رومنسيه سعوديه رووووووووووووووووووعه

تابع الجزء الأول
لما خلصت ساندرا الصلاة قامت بسرعه ولبست مريولها ولما جت بتسرح شعرها الاوخالتها داخله:
الحين كم مره اقول واكرر انتي ماتفهمين (ومسكتها مع ياقة مريولها)اسمعيني زين يابنت تجلسين بالمطبخ لين يخلصون فطور واذا خلصوا تغسلين الصحون ولا تطلعين الا وانتي مخلصه كل شيء فاهمه؟
ساندرا : بس خالتي مايمديني اجهز قبل يجي الباص .
ام محمدبعصبيه :الحين من اهم اوامري والا الدراسه الي فرحانه فيها اصلا انا الغلطانه اني خليتك تدرسين لكن اصبري وتشوفين.
خافت ساندرا من لهجة خالتها وطريقتها في الكلام لكن مابينت لانها شافت مروى بنت خالتهاواقفه قريب من الغرفه (اللي مخلصه دراسه وجالسه في البيت لانها ماتقدر تدخل الجامعه بسبب ظروفهم)كانت مروى تناظر ساندرا باستهزاء ردت عليها ساندرا بنظرت برووود ولا كانه حصل شي .
جت الخاله بتطلع بعدين رجعت وكأنها تذكرت شي مهم :سنيدر ولعتي انوار الغرفه؟
ارتبكت ساندرا هي اليوم قايمه متأخره ونست ماولعتهن:هاه أ....أنا..
ام محمد وهي شوي وتنفجر :يا .......الحين وش اسوي فيك انا بس (وهي تصفق يدينه ببعض بعدين اشرت لساندرا)
الحين بسرعه قبل كل شي روحي شغليهن(ومسكتها مع يدها ودفتها برى الغرفه)
طلعت ساندرا للحوش ولفت على البيت من ورى متجهه للغرفه(ياهنفسي اعرف وش كل هالأهتمام بالغرفه هذي وخالتي كل يوم الصبح ولعي النور والليل طفيه ياترى وش اللي فيها معقوله ممنوعات لا لا لو ممنوعات ليه تقول ولعي النور وبعدين مكانها مو مخفي يعني بسهوله لو جت الشرطه ممكن يلقونها بسرعه يوه الفضول بياكلني شسالفه)
وقفت قدام الباب الكبير الحديديوالمقفل بقوه وكان اللي يولع الأنوار برى الغرفه مو داخلها لكن النور داخل شغلت النور ووقفت قدام الباب وتنهدت وبصوت هامس :ياترى وش تخفي خلفك
انتبهت على نفسها ان لهاوقت تناظر بالباب وصحت من سرحانها على صوت بوري الباص المميز بييييييييييييييييييييب
ركضت بسرعه لداخل البيت وهي تحمد ربها ان خالتها ماشافتها وهي واقفه عند الباب شافت ريم وهاجر واقفات يلبسون عباياتهم ،ريم: تعال انتي لي ساعه ادورك وين رحتي
ساندرا :بالباص اقولك يالله لا نتأخر
ريم :اوكي
طلعوا وركبوا الباص اللي كان تحفه (البنات يسمونه باص مناحي )جلسوا في اخر الباص حتى يأخذون راحتهم في السواليف او بالاصح (بالحش)[/justify] [/code]

تابع الجزء الاول.
لما جلسوا البنات في الباص
ريم: ها والحين جلسنا ليه تأخرت؟
ساندرا تهز كتوفها بلا مبالات :مافيه شي بس كنت واقفه عند البوابه (الباب الحديدي)وسرحانه ماانتبهت الا على صوت الباص.
ريم :اها كذا على بالي سالفه.
ساندرا : أي سالفه وحنا من وين تجينا السوالف
ريم بنظرة اعتذار: ساندرا انا آسفه
ساندرا بإستغراب : على ايش الاسف؟
ريم : امي غلطت بحقك كثيروعارفه مو من حقي اطلب منك تسامحينها.
ساندرا بابتسامه : ولا يهمك عادي تعودت وبعدين مهما كان هذي خالتي قبل كل شيء
ريم تضم ساندرا بقوه(الله يخليك لنا ولا يحرمنا منك يارب)
ساندرا تضمها :ويخليكم لي انتو كمان.
وقف الباص امام المدرسه واللي كانت قديمه جدا وبحي قديم وشعبي.نزلوا البنات ودخلوا المدرسه وهم يشيلون عباياتهم جت وحده خلف ساندرا وحطت يديها على عينيها .
ريم :ها سندور مين هذي
ساندرا :والله الحركه موغريبه علي مممممممم اليدين صغيره الساعه باليد اليمنى ممممممم لمووووووووووووووووس.
لميس وريم :ههههههههههههههههههههههههه
ابعدت لميس يدينها عن ساندرا:كيف عرفتي يالجنيه؟
ساندرا وهي تحط اصبعها على راسها:شفتي الذكاء.
لميس وهي تعقد حواجبها :ساندرا ايش اللي برقبتك
ساندرا من غيرشعور حطت يدها مكان الحرق اللي على اسفل رقبتها من اليمين :لاولاشي بس طاح علي الزيت وانحرقت.
لميس تدور بنظراتها بين ساندرا وريم (اللي منزله راسها) والسالفه مو ماشيه عليها:اه كذا انتبهي المره الثانيه لاتشوهين هذا الوجه الجميل
ساندرا : إن شاء الله طال عمرك
البنات :ههههههههههههههههههههه
:يابنت انتي وياه وين فصولكم؟
ساندرا:عفوا استاذه منى ماسمعنا الجرس
الاستاذه منى بابتسامه :كيفكم مع بدايه الدراسه والسنه الجديده
ريم: يوه استاذه لاتضيقين صدري .
الاستاذه منى :بالعكس تغيير جو عن البيت بعدين لو فكرتوا فيها صح جلستكم بالبيت بتحسسكم بالملل.
ساندرا بنفسها (وانا اشهد)
لميس :والله جد مو كافي امي بالبيت كل يوم تذكرني (انتي ثانويه عامه لازم تجتهدين – خلاص لاتلعبين انتي كبرتي ودخلتي 18)
استاذه منى :ههههههها ماعليه امك تبي مصلحتك يالله يابنات الحين له ربع ساعه ران الجرس روحوا شوفوا فصولكم وين.
البنات : ان شاء الله
لفوا البنات بياخذون عباياتهم ويروحون بس الستاذه من نادت ساندرا
الاستاذه :ها ساندرا ماقلتي لي اخبار الاجازه معك؟
ساندرا بابتسامه تبرز جمالها الرباني : الحمد لله تمام
الاستاذه :اذا محتاجه شي لاتترددين اعتبريني زي امك
ساندرا ضمت الاستاذه بشده ودفنت وجهها بصدرها وهي تبكي :واحلى ام.
رفعت الاستاذه راسها ومسحت دموعها وبصوت كله حنان :على ايش البكاء ساندرا
ساندرا تحاول تتماسك وتبتسم : ابدا مافيه شي
الاستاذه ماحبت تحرجها:اها خلاص ر
وحي غسلي وجهك الحين وروحي للفصل او تعبانه؟
ساندرا :لالا مافيني الا العافيه
راحت ساندرا لدورة المياه تغسل وجهها مافيها على اسألت البنات
الاستاذه منى تراقب ساندرا وهي تروح(يالله قد ايش احب البنت هذي احسها مثل بنتي واكثر الله يكون في عونها )
ملاحظه:الاستاذه منى تدري ان ساندرا عايشه عند خالتها اللي تعذبها خبرتها ريم مره بالموضوع وهي منهاره لما طاحت ساندرا بالمدرسه مره مغمي عليها من التعب.
لقت ساندرا فصلها وعرفت انه هو لما شافت لميس داخل لان لميس مثل ساندرا علمي لكن ريم ادبي
انتهى الدوام المدرسي من دون أي احداث تذكر ورجعوا البنات لبيوتهم
لما دخلوا ساندرا وريم البيت شافوا محمد(13سنه)وهاجر(15 سنه) جايين يركضون لهم
هاجر : بنات بنات ابوي جاء
محمد:ومعه الرجال اللي يجي كل اسبوعين
ساندرا دارت بعيونها لخلف البيت للممر اللي فيه البوابه وتنهدت
ريم : والله جد (ومسكت يد ساندرا يركضون جهة السطح )بسرعه سندوور تعال نشوف شو يسوون
صعدوا الاربعه للسطح ينتظرون الرجال يروحون للممر حتى يشوفون ايش يسوون دايم اذا جاء الرجل هذا يكون ابوهم موجود واللي نادرا مايشوفونه الا اذا جاء الرجل )
ساندرا :انشاء الله تنفع الخطه وماينتبهون للشراع اللي رفعناه(كان فيه على طول الممر شراع يغطيه لكن الاربعه وبفكرة ريم شالوه حتى يقدرون يشوفون ايش اللي يحصل)
محمد: اوووووه ليه تأخروا
ريم : اف متنا حر ساندرا
ساندرا وهي تناظر مع السطح لجهة البوابه:جو جو طلعوا
قامو كلهم بسرعه يشوفون
ريم : يارب ماينتبهون يارب
هاجر : يــــــمــــــــه
كلهم التفتوا يناظرون امهم وساندراقلبها يضرب وعضلات جسمها انقبضت وكانها تستعد للضرب
ام محمد والشرر يتطاير من عيونها ومسكت ساندرا مع اذنها بقوه:ياقليلة الادب وتعلمين عيالي على التجسس طيب يابنت حصه انا اوريك
ريم : يمه ساندرا مالها دخل
ام محمد: جب انتي الثانيه هذي من دخلت بيتنا وهي لاعبه بروسكم بس انا اوريها قدامي على البيت
نزلوا الثلاثه من السطح وراحوا داخل البيت بس محمد يوم جاء يدخل البيت شاف ابوه يقفل باب الشارع وحاول يلهيه حتى ماينتبه لامه وساندرا اللي فوق بس مانفع
ام محمد وهي تسحب ساندرا مع شعرها لتحت :انزلي لا بارك الله فيك
ابو محمد مستغرب : وش السالفه يامنيره
ام محمد رمت ساندرا على الارض وارتفع ثوبها وبينت ركبها حاولت ساندرا تعدل ثوبها وتستر نفسها لانها تتغطى عن ابو محمد
ام محمد: تعال ياحمد شف البنت وش مسويه قايله لعيالك تعالوا نتفرج على الرجل ولقيتهم انا فوق بالسطح يناظرونكم
ابو محمد يحسبها تقصد يتفرجون على الرجل مايدري انها تقصد يتفرجون على اللي يسوونه هو والرجال الغني: اتركيها انا اعرف اتفاهم معها
ام محمد :بس....
ابو محمد: لابس ولا شي خليها انا اتصرف
راحت الخاله داخل البيت اما ساندرا قامت بسرعه يوم شافت رجل خالتها يقرب لها هي غارفه انه نيته مو طيبه انه حاول كم مره يسلبها عفتها قرب ابو محمد منها وهي بسرعه دفته عنها وركضت باقوى ماعندها لداخل البيت وعيونها مليانه دموع من المصايب اللي تجيها راحت على طول غرفة البنات لان لو راحت لغرفتها بتزيد الخطر
دفت الباب والبنات انفجعوا من شكلها رمت ساندرا نفسها بحضن ريم وهي مايته من البكاء
حاولت ريم تهديها بس مافيه امل الا وخالتها داخله وريم متأكده ان نادتها يوم شافت ساندرا تبكي تخصرت وقالت بسخريه ماشاء الله تغلطين وتجين تبكين اكيد ان ابو محمد ادبك تستاهلين
ريم تناظر ساندرا (مو كافي امي والعله هذي يجي ابوي بعد)
ام محمد : اسمعيني زين ياسنيدر ابروح الحين للمطبخ وتلحقيني واياني وياك تأخرين
طلعت ام محمد ورفعة ساندرا راسها وشافت ريم اللي كانت تبكي :سامخيني ساندرا كل
هذا بسببي آسفه والله آسفه
ساندرا بصوت هامس من اثر البكاء : ريامي لاتهتمين هوكذا ولا كذا يلقون سبب ثاني يعاقبوني عليه
ريم :.............
ساندرا وهي تقوم :يالله الحين بروح قبل تجي خالتي
وراحت ساندرا للمطبخ تسوي الغداء واللي كان عباره عن شوربه خضار لان هذا اللي يقدرون عليه
انتهى اليوم وساندرا هلكانه من التعب الكل ناموا والحين هي رايحه بتنام بس قبل طلعت للممر تطفي النورللحصن( الغرفه اللي بوابتها حديد،ريم وساندرا يسمونها الحصن) لما جت بتطفي النور من دون سمعت صوت هامس خافت وقف الصوت ساندرا(يمكن اني اتخيل) يوم ضغطت يدها على النور سمعت شي خلاها تصرخ من الخوف :


انتهى الجزء الاول مستنيه ردودكم
اذا جت الردود راح اكمل القصه واذا ماجت معنى هذا ان القصه ماعجبتكم فراح اوقفها[/size]

سوووووووووووووووووري راح اوقف القصه واعذروني على الازعاج

صرااااااحه القصه اعجبتني مشكوررررررررررررررره يااختي

باااااااي اشوفكم اليوم على خير اليوم بس حبيت اسلم عليكم

ياللـــــــــــــهـ كمليهــــــــــــــــــــــــــــــــا
اندمجة مرررررررررررهـ وكل شوي اتخيل النهايه


مررررره حلوه خليتيني اعيش جوهم

كمليها


لاتبطين

مرررررررررررررره خطيييره

يالله ترانا متحمسين

تسلمــــــــي حبيبتي
على القصه روعه

سلام للجميع بليز كملي القصة.............

قصة رائعة

مشكور اختي

لالالا متحمسه بسرعه كملي القصه