قصه من التراث الحجازي(تظحك نصيحه ادخلو)

.
.
.
.

السلام عليكم ورحمة الله
كيفكم يا أهل الصرقعة الكرام كيف حالكم عساكم بخير وصحة وسلامة
.
.
.
.
هذي القصة اقتباس من قصة من التراث الحجازي كتبتها لكم مع شوية بهارات و أبازير
من عندي وراح احطها هنا على أجزاء ان شاء الله
واتمنى انها تحوز على استحسانكم واعجابكم

على فكرة القصة ذي كتبتها في احدى المنتديات من زمان قبل ما اسجل باالفراشه اصلا

واتذكرتها اليوم

وحلفت انزلها عندنا ويارب تعجبكم

.
.
ولا تنسوا تجيبوا حبتين شاورما وبيبسي خخخخخخخخخخخ
او فصفص وشاهي خخخخخخخخخخخخخخخخخخخخخخ
.
.
نبدأ 1 2 3
.
.
يا سعد يا كرام .. ما يطيب الحديث إلا بذكر النبي عليه أفضل الصلاة والسلام ..
.
.
كان ياما كان ... في هذا الزمان الي حنا فيه او من زمان بصراحة نسيت خخخخخ
<----------- دمها خفيف

كان فيه واحد وزير .. كل ما جاله سكرتير خاص فيه يشترط عليه شرط غريب <========= نظام تطفيش خخخخخ

يقوله : إن إنت زعلتني تقطع لي خشمي , و إن أنا زعلتك أقطع لك خشمك.

وما حد قبل الشرط هذا إلا واحد مسكين اسمه سلطان معاه شهادة ثانوي وما لقي

وظيفة تقبل بشهادة الجامعة الا لازم خبرة معها اجل كيف يقبلوه وهو ما عنده خبرة في ولاشي


وما لقى غير هالوظيفة الي بهذا الشرط الغريب و اشتغل سلطان عند الوزير

مدة إلى أن جاله في أحد الأيام واحد يشتكي و يبغى يقابل الوزير ورمي

عقاله عند سلطان وقاله تكفى وتكفى تهز رجال انك تدخلني على الوزير قام سلطان من

طيبته دخله على مكتب الوزير مباشرة

لانه من اول يدق عليه بالتلفون ويدق عليه الباب وما يرد

حيث ان الوزير كان يلعب شطرنج مع وكيل الوزارة خخخخخخخخخخخخخخخخp19 p8

قام الوزير وبهدوء وهزء سلطان ولعن شكله وقاله كان اخذت شكوته وحطيتها بأقرب درج

وقلت له راجعنا بعدين .

زعل سلطان لأنه هزئه قدام وكيل الوزارة وهو كان حاطط عينه

على بنته يبغى يخطبها ( يا حليله ) دري الوزير ان سلطان زعل فمسك الوزير

سكينة بسرعة وقطع له خشمه <========لا تسألوني من فين طلع السكينة حتى

انا مدري خخخخخخخخخخخخ

وخرج سلطان من عند مكتب الوزير ودمه يسيل وحط عليه كلينكس

ويوم شافه البواب قاله سلامات قال لا بس زكام بسيط :(

وراح سيدا علي بيت اخوه سلمان ولما شاف دمه سايل وعرف منه شرط الوزير الي قبله

أخوه الطيب كشرط للوظيفة صمم ينتقم منه بعد ما يودي أخوه عيادة تجميل وينقذون ما يمكن انقاذه من خشمه الي راح

<==========يمدحون أدمة خخخخخخخخخخخخخخخخخ

عطوهم موعد للعميلة وترك سلمان اخوه سلطان بالبيت وحلف انه ما يرجع له إلا بخشم

الوزير بيده.

و راح سلمان على مكتب التوظيف بالوزارة وطلب انه يقدم على وظيفة سكرتير

قالوا له موب بكيفنا روح للوزير بمكتبه وتفاهم معه.

أخذ سلمان بعضه وراح لمكتب الوزير وعرض عليه إنه يشتغل عنده , فسأله الوزير : إنت إسمك أيش؟
رد سلمان : أنا أسمي نكــــــد .

استغرب الوزير من الأسم الغريب قاله تسهبل انت ووجهك فيه احد اسمه نكد

رد عليه سلمان : ايه وش فيها يعني قال القاضي : طيب طيب أنا فعلا محتاج

سكرتير يشتغل عندي لكن أنا شرطي الأول و الأخير إنك لو زعلت مني يا نكد أقطع

لك خشمك , ولو زعلت أنا منك تقطع لي خشمي . ووافق سلمان على الشرط وهو

ناوي يغلغل الوزير وينكد عليه عيشته ويأخد بتار أخوه المسكين
.
.
.
.
انتظروا الجزء الثاني قريبا






.

.

.

.

..:: الجزء الثاني ::..

.
.

أعتمد الوزير على نكد في تنظيم المواعيد والمهمات وأوقات الاجتماعات وترتيب الاتصالات مع

الشخصيات الهامة والمرموقة الي لازم يتقابل معاها الوزير وحدد له اسماء الناس الي لازم يصرفهم

والناس الي لا يمكن يردهم أبدن وكان نكد مو مهتم . وفي يوم خرج الوزير من مكتبه وهو مطرطع

بس ماسك اعصابه وزهم ( نادى <-- ترجمة للي ما يعرفوا حجازي ) على نكد وقال له :

إيش دا يا نكد؟ المكتب حايس مواعيد ولي يومين ما نظمت لي ولا موعد وأنا الي شغال أرد على اتصالات خلق

الله وأرتب مواعيدي معاهم .

قال نكد : يا عمي المواعيد كتيرة و الاتصالات اكثر ومو عارف أنظم نفسي وأنا ما بيدي حيلة ...

قال الوزير : المواعيد طول عمرها كثيرة والاتصالات اكيد بتزيد لان هذا مكتب وزير ومافي شي جديد

الا انت . رد نكد: صوتك عالي يا معالي الوزير و أظنك زعلان ! قال الوزير بسرعة : أنا؟ أبدا ماني زعلان
.
.
بعد شهر تقريبا نادي الوزير نكد على مكتبه وقاله أبغاك تجهز نفسك وترتب أمورك علشان انت راح تجي

معايا في رحلة عمل لمدينة ثانية مدة سنة
قاله نكد على فين طيب قاله على جدة وأنا أصلا عندي فيلا هناك وراح اعطيك الملحق الي جنب فيلتي

علشان أوفر عليك مصاريف السكن وكمان علشان أبغاك تكون قريب مني وقت ما بغيتك ألاقيك .

قال نكد :طيب على مضض (أصلن هو مو طايق الوزير كمان بدو يسافر معاه)

المهم راح نكد على بيته وأخذ اذن من امه وابوه وسلم على يدهم وطلب منهم الدعاء

وطبعا ما نسي يسلم على اخوه المسكين سلطان واستودعهم الله ومسك الطريق على بيت الوزير ومن هناك

على المطار وكان الوزير جايب زوجته معاه والخدامة حقتهم.
.
.
.
بعد ما وصلوا من السفر واستقرت أوضاعهم في جدة كان الوزير كتير يعتمد على نكد ومو بس كان يخليه

يشتغل في المكتب كمان كان يخليه يدير شؤؤن الفيلا في حال عدم وجود الوزير . وكان نكد كل يوم ينزل

الجنينة ( الحديقة ) الي في البيت وكان يشوف الصبي الي يسقي الزرع كان ينادية ويهرج معاه طوال

الوقت الين ينتهي دوام الصبي يخليه يروح ويقوله لا تخاف انا راح اسقي الزرع وهوا لا يسقيها ولا حاجة

وعلى دا الحال الين بدأت الأشجار تضعف والورود دبلت والحشيش صفر . أنزعج الوزير من منظر

الجنينة وزهم على الصبي وقاله : إيش دا ؟. الجنينة كلها زرع ميت!
قاله : وإيش أعمل كل مرة أجي أسقي الزرع ينده عليا ( يناديني ) نكد ونقعد نهرج الين يخلص وقتي

ويقولي هوا الي راح يسقي الزرع ! زعل الوزير وقاله :روح إنده لي على نكد هادا الله ياخده البعيد .

شوية ويجي نكد يمشي على مهله ويقول : ايشبك يا معالي الوزير صوتك عالي و شكلك زعلان ؟

قاله : لا لا ابدن ماني زعلان بس لي عتب عليك انو ليه تشغل الصبي عن سقي الزرع وما تخليه يقوم بشغله ؟

قاله نكد : طيب

ابشر من عيوني ما راح اشغله بعد كده بس اهم شيء لا تزعل علينا .رد الوزير بسرعة : لا لا أبدن

أنا ماني زعلان .
.
.
.
وكان في الجنينة كلب كبير يحرس البيت والوزير يعزه كتير .. وكل يوم تعطي الخدامة الأكل الخاص

بالكلب لنكد علشان يأكله لأن نكد هو الي طلب منها تعطيه هو الأكل حق الكلب علشان يأكل الكلب بدل من الصبي
... ويشوف نكد الأكل ويقول في نفسه : يعني الكلب ياكل دجاج ولحمة و إدام .. و أنا البني آدم

يعطوني ما شاح وما لاح .. صار ياكل الأكل حق الكلب ويتركه جيعان <==== يععععع الله

يقرف شيطانه خخخخخخخخخخخخخخخخ

ويوم ورى يوم ضعف الكلب وهزل والوزير يسأله عن السبب ونكد عامل نفسه ماهو عارف العلة إلى أن

صار الكلب يزحف على بطنه وبعد شوية مات .. وصار الوزير حزين على كلبه الوفي ومتحسر على

موته وقال لنكد: يا ترى إيش إلي جري للكلب ؟ والله كان من أحسن ما يكون لحد ما جيتنا إنت وصار

إللي صار .. رد نكد : يمكن ما كان بيتغذى طيب. قال الوزير : ما بيتغذى؟ ده أكله كله لحمة

ودجاج .. قال نكد بإستغراب : هو اللحم والدجاج كان للكلب ؟

أنا أفتكرته أكلي أنا و أكلته ..

وصرخ الوزير وهو في أشد الغضب : أكلت أكل الكلب يا نكد؟ والمسكين كان بياكل إيش ؟ قال :

ولا شي.. قال الوزير : يعني مات من الجوع ؟ قال نكد : أظن كده ... بس المهم لا تكون

زعلان يا معالي الوزير ! رد وهو في أشد القهر : أنا .. لا .. و أزعل على كلب ؟

.
.
.
وثاني يوم طلب الوزير إنه يأكل لحمة مسلوقة وراح نكد يدور لحمة في السوق كله وما لقي.. رجع

للوزير وقاله : ياعمي ماني لاقي لحمة في السوق . قال الوزير : أتصرف ماهو شغلي . خرج

نكد على السوق وصار يدور تاني لحد ما تعب و أحتار في أمره و أخيراً لقي في وجهه جثة الكلب الميت

شاله وراح فيه على البيت وأعطى اللحم للخدامة . والخدامة قامت و سلقت الحمه و حضرتها للأكل .

ولما رجع الوزير على البيت لقي الأكل جاهز فأكل وشبع بعدين سأل نكد: ياواد إنت ما قلت مافي لحمة

في السوق اليوم .. فين لقيتها بعدين يا كداب ؟ قال : والله يا عمي ما لقيت لحمة في السوق ..

أنا لقيت كلبك الميت في الجنينة قلت نستفيد منه قطعته وأعطيته الخدامة وطبخته لك . فقال له : يخص :

عليك .. إنت تبغى تموتني .. وقام على الحمام يحاول يطلع إللي أكله .. قال نكد : ها يا

عمي .. إنت زعلت ؟ قال : لا أبداً .. بس بعد كده أنتبه ولا تعمل زي كدة .. وبلعها الوزير

وهو بيغلي من نكد بس كان خايف يظهر غضبه ويخسر خشمه .

.

.

.

انتظروا الجزء الثالث قريبا





.
.
..:: الجزء الثالث ::..
.
.
وفي تاني يوم و الوزير عنده ضيوف مهمين في المجلس سمع صوت الشغالة بتغني وهي

بتطحن الحب .. فصار محرج قدام ضيوفه الكبار وقام زهم على نكد وقاله : أطلع

لإنصاف <=== اسم الشغالة خخخخ

وقول لها تسكت من الغُنا لإنها أزعجت ضيوفي وكمان توقف المطحنة دي شوية من

فوق روسنا .. طلع نكد للخدامة وقال لها : يا إنصاف يقول عمي قوي الطحين

كمان و أرفعي صوتك بالغُنا عشان ضيوفه منطربين منك .. وصارت الخدامة مبسوطة

بنفسها وتغني بأعلى صوتها و تدقدق بالمطحنة بكل قوتها . وزهم الوزير نكد مرة تانية

وقاله : أطلع للجارية تاني مرة وقول لها تنكتم بالمرة ما إحنا سامعين نفسنا ولا تدق

المطحنة إلا لما يخرجوا الضيوف ..طلع لها وقال : بارك الله فيك يا إنصاف ..

الضيوف في غاية الإنبساط منك .. زودي كمان قد ما تقدري صارت الخدامة تطبل

وترقص وتعمل شيء لا خيرةً فيه . زهم الوزير على نكد للمرة التالتة وقال له :

أطلع أضرب هادي المجنونة و أكتم صوتها .. طلع نكد على فوق لقي في طريقه

ساطور شاله ونزل به على راس الخدامة وجاب خبرها .<======= مجرم خخخخ
.
.
وبعد ما أنتهى الوزير من اجتماعه بضيوفه المهمين طلع على فوق يشوف إيش حكاية

الجارية وصار ينادي عليها ما ترد .. ودور عليها لحد ما لقاها ياعيني مرمية على

الأرض ودمها سايل .. جري غضبان على نكد يسأله عن إللي جري قاله : يا عمي

.. أنا ما كان ممكن أعمل غير كده .. إنصاف ما كانت راضية تسكت وخفت إنك

تزعل منها ولقيت الساطور فخبطتها وما كان قصدي أقتلها .. بس لا تكون زعلت مني

يا معالي الوزير.. رد الوزير وهو بيغلي : لا .. لا .. أنا ما زعلت ولا

شي .. بس يعني أنا شايل هم كيف نخلص من هادي المصيبة .. أنا ما أبغى

الناس تقول بيت الوزير فيه قتل ومقتول .. قال نكد : بسيطة .. إحنا نستنى آخر

الليل ولما يناموا الناس وفي الضلام نتعاون أنا و إنت ومراتك وندفنها في البحر

بس ما تكون زعلان يا عمي .. رد الوزير : لا .. لا .. مافي حاجة تزعل

أبداً.
.
.
.
.
وفي الليل وهم شايلين الخدامة راحوا عند البحر لكنهم شافوا صيادين واقفين قريب منهم

فما عرفوا يرموا الجثة قدامهم .. فقال نكد : فنت أكيد تعبان ياعمي .. ليش ما

تنام شوية إنت ومراتك و أنا أراقب الشط لحد ما يفضى و أصحيكم في الساعة

المناسبة .. فوافق الوزير وراح ينام هو ومراته .. وبعد ما أتأكد نكد من نومهم

راح بشويش وشال مراة الوزير ورماها في البحر وحط جثة الخدامة جنب الوزير و نام. .
.
.
.
.
.
في الصباح صحي الوزير مفزوع ولقي الخدامة جنبه ومراته ماهي موجودة .. زهم

على نكد يصحيه ويقول فين مراتي ؟ وليش ما صحيتني في الموعد المناسب ؟ قال نكد

ببرود : ياعمي أنا ما حبيت أزعجك و أنا شايفك نايم مرتاح .. والظاهر مع النوم

ما أنتبهت أنا شلت مين ورميت مين .. قال الوزير : لا حول ولا قوة إلا بالله

.. وصل بك الحال إنك ترمي مراتي في البحر .. إنت مجنون ؟ قال : طيب أنا

أعمل إيش ؟ النوم من جهة والضلام من جهة .. أنا ما كنت شايف شي .. بس

ما تكون زعلت يا معالي الوزير ؟ رد الوزير وهو مطرشق من الغيظ : لا .. لا

.. و أزعل من إيش ؟ إنت عملت شي يزعل .. كله قسمة ونصيب.. ورموا

الجارية في البحر .

::: ترقبوا أحداث الجزء الرابع قريباً ::::



.
.
.
..::الجزء الرابع ::..
.
.
.
بعد أيام قال نكد للوزير : يا عمي إنت ليش زعلان و مهموم ؟ قال الوزير : ماني

زعلان منك .. أنا حزين على مراتي .. قال نكد : ولا تزعل ولا يكون خاطرك

إلا زي العسل .. إيش رأيك أنا أجوزك واحدة تعوضك عنها خير وتسر قلبك

وخاطرك .. قال : ياللا على الله ثم عليك .

.
.
.

راح نكد بيت ناس و أتقدم وطلب يد بنتهم للوزير ، وفرحوا الناس بالعريس إللي

يشرفهم نسبه ومهنته المحترمة ووافقوا على طول .. وشرط نكد إن الملكة والدُخلة في

ليلة وحدة .. وفي اليوم المحدد أتفق مع أهل العروسة إن الوزير لا زال حزين على

مراته الأولى وما يبغى تكاليف أفراح و لا أكل كتير .. علشان كده راح يعملوا

الفرح في بيت أهل العروسة .. أما أكله الخاص فما أحد يحضره غير هو نفسه لأن

الوزير ماشي على نظام حمية وما ياكل شي غير بليلة .. وطلبهم حمص و كيلو ملح

وسلق الحمص وحضر البليلة كبسها ملح <=== نذل خخخخخخخخخخخخخخخخخخ

.
.
.

ولما حضر الوزير لبيت العروسة و أنهى إجراءات الجواز أنتظر العشا وهو ميت من

الجوع .. ودخل أكل الوزير في صينية خاصة وجلس ياكل من البليلة لقمة ويشرب

عليها كاسة موية .. يأكل لقمة تانية ويرمي فوقها كاسة موية وعلى كده إلى أن شبع

.. وهمس بشويش لنكد وقال : إيش بهم هادول الناس ؟ هادا أكل يليق بوزير في

ليلة دخلته ؟ قال نكد : لا والله .. حرام الجماعة كانوا راح يقوموا بالواجب لكن

أنا طلبت لك البليلة وطبختها بنفسي .. قال : إنت إيش دخلك ؟ مين سمح لك

تطلب هادا الطلب الغريب ؟ الله لا يسامحك .. قال نكد : بس أنا أبغى أعرف حاجة

واحدة يا معالي الوزير .. إنت زعلان مني .. قال الوزير وهو بيكح : لا ..

طبعا ماني زعلان .. بس إنت حرقت لي قلبي من كتر الملح الله يحرق قلبك ..

وسكت الوزير على مضض وقضى ليلة فرحه ما بين الفراش والحمام من آلام بطنه ..

و أتنغصت عليه ليلة العمر .


.
.
.


..:: ترقبوا الجزء الخامس و الأخير قريباً إن شاء الله ::..





.
.
.
.
.
.
.
.
.
.
.
.
خلاص يا جماعة الخير شطبنا مافي جزء خامس و أخير خلاص
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
خخخخخخخخخخخخخخخخخخخخخخخخخخخ
امزح امزح هذا هو نازل في الطريق
.
.
.
.
.



..:: الجزء الخامس و الأخير ::..
.
.
.
وبعد أسبوع من الجواز مر نكد من جنب باب مكتب معالي الوزير و سمع

بالصدفة صوت معالي الوزير بيقول لمراته الجديدة : أنا ما عاد قادر أتحمل هادا

النكد اللئيم .. طفح بي الكيل وهو مستلمني بالمصايب واحدة ورا التانية ..

وبصراحة أنا خايف عليك من أذيته .. وفكرت مافيش طريقة أخلص بها منه غير

إني أرحل من هادي البلد و أهرب منه للأبد .. قالت الحرمة : أسيب أهلي و

أروح فين ؟ قال الوزير : أقولك حياتك في خطر تقولي أهلي ؟ إحنا نحضر نفسنا

للرحيل بكرة في الفجر ونكد لسه نايم حتى ما يحس بخروجنا من البيت .. بكرى

الحجز على أمريكا الساعة 8 الصبح ولا تجيبي سيرة للخدامة ولا السواق أخاف واحد

منهم يغلط بلسانه عند نكد ويقوله ويصير ما سوينا شي .. وضحك نكد من ورا

الباب وقال في نفسه : تروح مني فين يامعالي الوزير ؟ أنا وراك والزمن طويل .

<======== مهو سهل هادا النكد خخخخخخخخخخخخخخخ
.
.
.
.
وقبل طلوع الشمس راح نكد و أندس ( اتخبى للي ما يعرفوا حجازي ) داخل

شنطة العفش الي كان الوزير محضرها عند الباب.

قام الوزير ومراته عند الفجر

و أخدوا عفشهم و أتوكلوا على الله وخرجوا من البيت قال الوزير لمرته : راح نمشي

إلين نوصل الشارع العام ومن هناك ناخد تاكسي وعلى المطار بصراحة مالي خلق

أشغل السيارة أخاف نكد يسمع صوتها يصحى ويلحقنا و إيش يفكنا منه هديك الساعة

.. مراته قالت : حرام عليك الشارع العام آخر الدنيا يبغالنا ساعتين نمشي إلين

نوصل له .. قالها : معليش تعالي على نفسك شوية بس أهم شيء أفتك من نكد

الي جاب لي النكد في حياتي .. وصاروا يمشوا ويجروا في الشنطة وراهم

والوزير يقول : إنتِ إيش حاطة في الشنطة يا حرمة ؟ حجار .!؟ قد كده تشيلي عفش ؟

ويمشوا ويمشوا إلى أن تعبت مراته من كتر المشي وطلبت توقف شوية ترتاح والوزير

يقول : أنا ما راح أرتاح إلا لما أبعد عن نكد المصيبة .. و أستمروا يمشوا لحد

ما بعدوا عن البيت وظن الوزير إن المسافة إللي قطعوها كافية تبعدهم عن نكد ..

ولما وافق يقعد يرتاح فرش الوزير الأرض و أتمدد هو ومراته وهم بيناهجوا من

التعب .. وما أنتبه الوزير إلا على صوت يعرفه ويكره سماعه بيقول : يا معالي

الوزير تبغاني أحضر لكم الفطور ؟ إمديكم جيعانين .. وقام الوزير وهو مفزوع وما

صدق عينه لما شاف نكد قدامه بيضحك في وجهه في منتهى البرود وصرخ وقال :

إنت إيش جابك هنا ؟ قال نكد : أنا أندسيت في الشنطة هادي لما عرفت إنكم

مسافرين .. قلت جايز تحتاجوا شي و أنا دايماً في الخدمة .. ووقف الوزير على

حيله وصار يزعق من غيظه .. وقال نكد بسرعة : خير يا عمي ، إنت زعلان

مني ولا إيش ؟ رد الوزير وهو في منتهى الغضب : إيوه زعلان .... زعلان

.. زعلان .. قال نكد : هادا إللي أنا أبغاه .. إنك تزعل و أقطع لك خشمك

. قال الوزير : خد خشمي و أنقلع من وجهي جبت لي البلا من يوم ما شفتك

.. وقطع نكد خشم الوزير من جذوره وتركه ودمه سايل ورجع لأخوه وقال له :

هيا يا اخويا.. جبت لك خشم الوزير المفتري بعد ما عذبته عذاب الزيت في

القنديل .

ما يستفاد من القصة :
1- لا تشتغلوا في وظيفة فيها قطع أخشام
2- دائما الظالم له يوم وكل ذكي فيه الي أذكي منه
3- مو كويس تاكلوا بليلة ليلة الزواج هههههههههههههههه


اتمنى تكون القصة عجبتكم ونالت استحسانكم

وتوتة توتة خلصت الحتوتة




منقول من شهرزاد السعوديه (اختي)

الله يعطيج الف عافية ع الموضوعــــــــــــــــــــ

تسلم ايدينك القصة مرة
حللوه
تقبلي مروري

يلمو على المرور

قصة رائعة

يسلمو ايديك يا حلوة

شكرا على القصة الحلوة