يا نور عيني

ابزعجك يانور عيني وابذيك=ماهي قطت وجه لكن ولهان

ياللي على الصده تبين مواريك=دخيل ربك فرحتي بعدك احزان

ان كنت مزعلك وش رضيك=ارضيك بالروح ان كنت غلطان

ماجاك مني مايزعلك وشفيك=ابد ولا شي يخليك زعلان

ماكان الصد هي هقوتي فيك=ارجوك رد وضمني بالاحضان

خليني اسلا فيك وارجع واسليك=اضمد جروحن طوتني من زمان

وارسل اطياف المشاعر وتاتيك=وتسقيك الحب ان كنت ضميان

وان كان هالصد يعني تغليك=عادي تغلا بس احيان واحيان

وان كان العذال فالبعد توصيك=احذر ترى بعض الاقاريب خوان

وكلن دايم على بعده يحييك=لو على قربه مايعطي احسان

واللي إليا ضاقت الارض يجفييك=ويقول حنا احباب واخوان

ياهيه انا مبارك لابعت شاريك=خسران يابياع شاريك خسران

والله لاحطك بعيوني واغطيك=واصير بين الناس تايه وعميان

تايه بحبك ياعسى الله يخليك=واصير انا وياك للعشق عنوان

وامر بما تحتاج والله لاعطيك=وفا واخلاص وعشق بادمان
وسلامتكم

مشكورة حارسة
تقبليي مروري

اقتباس :

[ندعوك للتسجيل في المنتدى أو التعريف بنفسك لمعاينة هذا الرابط]
ابزعجك يانور عيني وابذيك=ماهي قطت وجه لكن ولهان