جاني خبر مزعج قبل شوية على الجوال

يا عاصمة قلبي علامـك تخلفيـن النيّـه
يومك حمكتي خافقي واعلنتـي العصيانـي
قبل امس كانت يدك اليمنى دفـاء جنّبيـه
واليوم صارت تغرس الخنجر وسط شرياني
ماعاد لي فـي داخلـك رحمـه ولا حنيـه
تغيرت نفسك وصرتي تكرهيـن اوطانـي
وش غيرك قولـي بربـك يانظـر عينّّيـه
تصدي النظره وترمي جمرتـك بحضانـي
خابرك تترجيـن منـي كـل يـوم جيّـه
ما تقبلين العذر لوني فاقـد احـد إخوانـي
واليوم مالك في وصالي يـا غـلا وديّـه
اكيد روحك فالهوا تعشق لها احـد ثانـي
توي عرفـت إن العلاقـة بيننـا جبرّيـه
مير الفراغ اللي حداك اتلاعبـي شيطانـي
جاني خبر مزعج ع الجوال قبـل اشوّيـه
كشف خوافي غايبه عن فكري الحيرانـي
شيءٍ بنفسك والتضح فـي كلمـة عفويّـه
نطق لسانك بالحقيقه واعتـرف بالجانـي
خفي على روحك تريـن السالفـه كذبّيـه
لا ترمي الباطل علـي وتلحقـي جيرانـي
شقي طريقك دون تجريح النفوس الحيّـه
اكيد بعد ايـام يشفـى قلبـك المرضانـي
دام الوهم متلحفك صبـح ومسـاء يابنّيـه
كيف انزع اقناع الظلام اللي غشى الاعياني
أنتـي بليتـي قلبـك المسكيـن بالحقديّـه
حتى وصرتي مثل ساكـن غبـة القيعانـي
واليوم صرتي ياالحبيبـه عندنـا منسّيـه
حتـى لياليناطواهـا عـالـم النسيـانـي
انا حذفتك من فوادي قبل امـس عصريّـه
والبارحه عزيت نفسك فيك مـع وجدانـي

يسلموووو حارسه القمر


دمتي مبدعه