بصب لك كل المشاعر وقهويك

مدري اشيلك شعر .. ولا اغنيك
من فرحتي تاه الكلام بلساني



نسيت لاا رحب وأهلي واحييك
مدري وش اللي من نظرتك غشاني




اخجلتني في جيتك من حسانيك
وحضورك اكبر من بساطة مكاني



فتحت بيبان الحشى والشبابيك
يادهشتي حبي مواطي زماني



خذ راحتك كل المحاني متاكيك
تفداك يانبض الخفوق المحاني



الله ياحر الوله في اياديك
ذوب تباريح الشعر في كياني



بصب لك كل المشاعر وقهويك
أروع قصيدة .. امطرتني تهاني



ادري تراجف للقصايد امانيك
وادري تحب تشوف شاعر يعاني



تبي القصايد او تبيني اناجيك
ببيات ارهف من سحابة حناني



على العموم بكل الاحوال يمديك
يجيك كل اللي تبي في ثواني



ياسيدي تأمر ونا أقول لبيك
اليوم يومي والمحبة تفاني

اقتباس :

مدري اشيلك شعر .. ولا اغنيك
من فرحتي تاه الكلام بلساني

اقتباس :

ياسيدي تأمر ونا أقول لبيك
اليوم يومي والمحبة تفاني