وَقع آهاتك على قلبي سيوف

جيتني والقلب حسيته رجف
=========== واختلط في داخله شوقاً بخوف

صادق احساسك على قلبي عزف
========== لحن حار الفكر يلقى له وصوف

تاهت الكلمات والهاجس وقف
============ والقلم عيت تطاوعه الحروف

حال دون الوصف.. دمعك لي ذرف
============ من عيونك لين ما بَلْ الكتوف

آآآآآه ياللي جمّعتني بك صُدَف
============= والتقت أرواحنا قبل الكفوف

ليت دمعي قبل دمعاتك نزف
============ كان ما همك على همي يطوف

كن همك يا منى الروح إإتلف
=========== معْ همومي حين ما كنّا وقوف

اشتكي لك هم في قلبي عكف
========= وانت تبكي لي همومك والضروف

لا تجر الآآآه يكفينا اسف
============ وَقع آهاتك على قلبي سيوف

مهرجان الهَم له فينا شغف
============ به قطفنا دمعنا قبل القطوف

وابتداء للعشق معنى.. واختلف
======== بالهوى طعمه.. وصرنا به عكوف

حول عشقاً صادقاً ما به كَلَف
========== للوفاء نبراس ما يعرف كسوف

يشهد الله فيك ظني ما اختلف
=========== وان قلبي مخلصاً لك يالهنوف

وان شعري مثل حسنك ما وَصَف
========== كن عيني غير حُسنك ما تشوف
كن عيني غير حُسنك ما تشوف
كن عيني غير حُسنك ما تشوف
..............
وسلامتكم
مع خالص واصدق الود