يا أمي تمر سنيـن ويضيـع وقتـي يالله عساي أكون أنـا ابنـك ال

يا أمي وش اكتب للقصيد إن حضرتي تخوننـي كـل القصايـد والأشعـار

ياللـي بقلبـي والعيـون انكتبتـي أقراك في صـدري وكفـي والأفكـار
غيث هما وسط العـروق وهطلتـي عطف وحنان وسال فعيونـي انهـار


ويشرق بصمتك نـور وإذا هرجتـي طار الفراش بمبسمـك يـم الأخبـار
كنك وفا شمس الضحـى لا شرقتـي نورك حنان وللدفـا حضنـك وجـار


ومثل النخيـل بهامتـك لا ارتفعتـي صدرك ظلال وللعطـا كفـك أثمـار
ومنك الكرم يغضـي حيـا لاكرمتـي لأنك عطيتي حـب وإجـلال وإكبـار

اطهر من ألما فالسحايـب وصرتـي أنقا من أنفاس الهوى وقت الأمطـار
يا مـا تبسمتـي حنـان وحضنتـي ويا مـا رقيتينـا بدعـوات وأذكـار


ويا ما تغاضيتـي وشمتـي وشلتـي كثر الخطايا صغار وأحلامنـا كبـار
وإذا تبسمنـا بـصـدق ابتسمـتـي وإذا زعلنـا ضاقـت بعينـك الـدار


وإذا تكلمـنـا بـحـب استمعـتـي وفي قلبك الصادق حفظتي لنا أسرار
وان همنا موضـوع معنـا سهرتـي و لنا دعيتـي وابتهلتـي بالأسحـار


وعلى التعب والهم يا مـا صبرتـي ولاشكيتـي يـوم بـارد ولا حــار
حتى وحنا كبـار لا مـا استرحتـي فكرك دليل دروبنـا وقـت الأسفـار


وقلبك يشيـل همومنـا لـو سكتـي مثل القمر يعكس لنا ضـوء الأنـوار
يا أمي رضاك يزيد لـو مـا طلبتـي وإلا غلاك بداخـل الصـدر مسمـار


الله أمرنـا بالخضـوع إن أمـرتـي ونخفض جناح الذل من قبل الأعـذار
ياللي برضا الله والجنـان ارتبطتـي يعني رضاك لجنـة الخلـد مضمـار


امشي على صدري بفخر إن عبرتـي وعلى جفون العين لا مر بـك مـار
واخذي من أيامي سنيـن إن قدرتـي وارمي على كتفي المتاعب والأخطار


وشلون نلحق لك جـزآك إن سئلتـي ما نوصلك حقك ولـو ندفـع أعمـار
الله يمتعنـا بـك سنيـن وأنـتـي بصحة وطيب وشامخة مثل الأشجـار


ويعطيك ربي كثـر منتـي وهبتـي في دارك الدنيـا وفـي دار الأبـرار
لكـن يحـز بخاطـري لا كبـرتـي ودي السنين تصير في عمرك ازهار


وأجيب لك وأعطيـك واقـول دمتـي والفضل لله ثم لك بكـل مـا صـار
يا أمي تمر سنيـن ويضيـع وقتـي يالله عساي أكون أنـا ابنـك البـار

مشكوره على مروك

انشاء الله و مشكوره على مروك طيب و الحلوه